Ахтар-саныыр дьонум

Оло5ун ситиһиилээхтик оңостубут, киэң эйгэ5э биллэр общественнай, государственнай деятель, Саха республикатын Государст­веннай мунньа5ын Ил Түмэн солбуйар бэрэссэдээтэлэ Александр Николаевич Ким-Кимэн бүгүн о5о сааһыгар, оскуолатаа5ы сылларыгар алтыһан ааспыт, холобур оңостор үтүөкэннээх дьонун, учууталларын, бырааһынньыгынан э5эрдэлээн туран ахтан-санаан ылар. Бастатан туран, Покровскай 1 №-дээх оскуолатын маңнайгы кылааһыгар үөрэппит учууталын Агафья Илларионовна Говорованы истиңник ахтар.

Түөрт уруок бүтүүтэкылаас о5ото бүтүннүү сып-сап хомунан дьиэлэригэр «сус» гынан хаалаллара. Арай Саша уол бытаана, өрүү бүтэһик хаалара, учууталын көһүтүннэрээччи кини этэ. Ол иһин а5ата сэмэлээтэ5инэ учуутала көмүскэһэн: «Онноо5ор Моск­ва биирдэ тутуллубата5а…» — диирэ. Муударай киһи сөпкө да эппитэ.

Кыракый Саша бэргэһэ, сон кэтиитигэр төһө да бүтэһик сырыттар, мүнүүтэ5э аа5ыы чемпио­на этэ. Дьиңэр, бастакы кылааска маңнай утаа «А» да, «Б» да буукубаны билбэт, кумаа5ыга чугаһаабатах киһи киирбитэ. Учуутал Ага­фья Илларионовна сыралаах үлэтин, эрчийиитин түмүгэр Саша III чиэппэр бүтүүтэ ити курдук «скорочтение5а» нуучча кылааһын о5олорун хотон бастаабыта. Кыайыы кынаттыыр, ситиһии сирдиир. Уол итинтэн ыла сэргэх кэпсээннээх, дьикти остуоруйалардаах кинигэлэри aa5ap буолбута, библиотека5а сыбыытыыра үксээбитэ.

Александр Николаевич баста­кы учууталыныын күн бүгүнүгэр диэри билсэр, ыалдьыттаһар. Оло5ун үрдүк үктэллэрин бэлиэтиир үөрүүлээх түгэнигэр Агафья Илларионовна үөрэнээччитин аттыгар хайаан да баар буолар.
— Мин ийэм үөрэххэ букатын сыстыбатах киһи, а5ам түөрт кылаас үөрэхтээ5э. Бииргэ төрөөбүт үhүө этибит. Биир сыл дьиэбитигэр-уоппутугар табыллыбакка, а5ыс төгүл көһөн турабыт. Оннук уустуктар бааллара.

Ол са5ана ардыгар o5o5o «кыанар», «кыаммат» төрөпөпүттээх диэн онон көрөн сыһыаннаһыы баара. Химия учуутала Вера Ива­новна Варламова олох оннуга суо5а, барыбытын биир тэңник тутара, кими да туораппата, — диэн Александр Николаевич ахтар. Бу учуутал уруогун айымньылаахтык, уратытык ыытар буолан, химияны о5о үксэ сөбүлүүрэ. Мен­делеев таблицатын элеменнэринэн сочинение суруйалларын күн бүгүнүгэр диэри өйдүүр. Онон Ве­ра Ивановна үлэтигэр ураты сыһыанын үөрэнээччитэ холобур оңостор. Иван Николаевич Рожин диэн сэрии бэтэрээнэ учууталлаах этибит. Кини биирдэ миигин уун-утары көрөн туран: «Ким, эн сиэрэйгин, сиэрэй киһи буолуоң», — диэн мө5өр аңардаах, кытаанахтык саңарда, Хотон, хомотон буолбатах, киһи буоллун диэн кымньыылаан биэрдэ5э.

Александр Николаевич:»Ити тыллары билиңңээңңэ диэри өйдүү сылдьабын, умнубаппын. Олохпор кө5үлүүр күүс оңостобун», — диир. Кыра сылдьан көссүө о5олор ахсааннарыгар киирбэт этим. Физкультура5а, НВП-га»5″-кэ, астрономия5а «4»-кэ үөрэнэрим, уоннаа5ыта орто буолааччы. Биир сиргэ таба олорбот, рогаткаланар – хайыыр мэник о5о быһыылаа5ым.

Нуучча тылыгар өйтөн үөрэтиибин билэ иликпинэ а5ам оонньуу барарбын көңүллээбэтэ. Мин таһырдьа тахса охсон табаарыстарбыныын сүүрэр-көтөр ба5аттан нойосууһу өр гыммат идэлэммитим. Учууталым Иннокентий Ми­хайлович Тобоховтан ол иһин хай5анарым, онтон тэптэрэн өссө үчүгэйдик үөрэнэргэ кыһалларым.

Ким-Кимэн бу үөрүүлээх күнүнэн үөрэппит учууталларын, үөрэммит оскуолатын коллективын, 1 №-дээх ДьПУ преподавателлэрин, чуолаан Вера Петровна Массагутованы ис сүрэ5иттэн э5эрдэлиир, кинилэргэ махтанар, сүгүрүйэр.

Начните вводить, то что вы ищите выше и нажмите кнопку Enter для поиска. Нажмите кнопку ESC для отмены.